193 துப்பாக்கி ரவைகளும், புலிகளின் தயாரிப்பு எறிகணையொன்றும் மீட்பு!
மிரிஹான பொலிஸ் பிரிவிற்குட்பட்ட பகுதியில் இரண்டு மாடி வீடொன்றில் மிகவும் சூட்சுமமாக மறைத்து வைக்கப்பட்டிருந்த 193 துப்பாக்கி ரவைகளும், புலிகளின் தயாரிப்பு எறிகணையொன்றும் மீட்கப்பட்டது.
பிட்டகோட்டே- ஏப்பிட்டமுல்ல பகுதியில் இவை கைப்பற்றப்பட்ட புலிகளின் தயாரிப்பான அருள் 89 ரக குறுந்தூர எறிகணையும், ரவைகளும் கைப்பற்றப்பட்டுள்ளன. வீட்டின் உரிமையாளரான பெண் கைதுசெய்யப்பட்டுள்ளார்.
விசாரணைகளின்போது, குறித்த ரவைகள் பழங்காலப் பொருள்களாக வீட்டின் அலங்காரத்துக்காகப் பயன்படுத்துவதற்காக கொண்டு வந்ததாக அப்பெண் தெரிவித்துள்ளார்.
வீட்டின் மேல் மாடிக்குச் செல்வதற்காக, அமைக்கப்பட்டிருந்த படியின் கீழ் உள்ள அல்மாரியொன்றில் சிறு சிறு பைகளில் சுற்றப்பட்டு, புலி இலட்சினையுடனான பெரிய பை ஒன்றில் வைக்கப்பட்டிருந்த நிலையில், இவை மீட்கப்பட்டதாகப் பொலிஸார் தெரிவித்துள்ளனர்.
